Karamihan sa mga Pilipino ay naniniwala sa Diyos at kahit iba iba ang relihiyon, may pinaniniwalaang Dakilang Lumikha. Nagkakaiba lamang ng tawag at paraan ng pagpapakita ng pananampalataya.
Ang tulang ito ay ginawa ko noon bilang pagpapakita ng aking pananampalataya at pasasalamat sa Diyos para sa lahat ng bagay.
Dakilang Lumikha: Diyos Ama
Ikaw ba'y may nakikita aking kaibigan?
Magandang tanawin at kapaligiran
May namamasdan kahit sa kalawakan
Na nagpapatunay na ang Diyos ay makapangyarihan
Lahat ng ito ay Kanyang ginawa
Maging ating sarili at iba pang kapwa
Na sana'y hindi kailanma'y mawawala
Upang hindi maglaho, saya at sigla
Tunay ngang busilak ang Kanyang puso
At maraming ulit na itong napatotoo
Ang araw na ang sinag ay parang ginto
Nagsasabing may liwanag sa buhay natin dito
Ikinararangal ko ang aking pagiging tao
At tinatanggap mabubuti Mong turo
Ikaw ang nagsilbing Ama naming totoo
Inaalagaan Mo at minahal itong yaring mundo.
No comments:
Post a Comment